Azərbaycanlılar Varşavada multikultural tədbirdə iştirak edib

, 2024

Azərbaycanlılar Varşavada multikultural tədbirdə iştirak edib

Varşava Universitetində xarici tələbələr arasında “Cultural Hotspot” adlı multikultural tədbir keçirilib. Azərbaycanlı tələbələr də tədbirə qatılaraq vətənimizi təmsil ediblər.

20-dən çox ölkədən gələn tələbələrin milli mədəniyyət nümunələrini nümayiş etdirdiyi tədbirdə Nabat Allahverdiyeva, Cavidan Quliyev və Dilşad Həsənova fəallıqları ilə seçiliblər. Tədbirin təşkilatçılığında Polşa Azərbaycanlıları Şurasının idarə heyəti üzvləri Şamo Qubadov və Tuncay Novruzzadə xüsusi rol oynayıblar.

Azərbaycan guşəsində “Azerbaijan Kitchen”, “Caspi Sweets”, “Kuchnia Pani Domu” və “Vafa Chef” tərəfindən təqdim olunan, milli mətbəximizə məxsus 3 növ şirniyyat, 4 növ yemək, yerli nar suyu, Azərbaycan çayı və s. qonaqlara təklif edilib.

Həmçinin, Polşa Azərbaycanlıları Şurası tərəfindən təmin olunmuş milli atributlar, geyimlər, foto albomlar, toxunma xalça və çanta nümunələri kimi eksponatları ziyarətçilər maraqla qarsalayıblar. Onlar Azərbaycan guşəsinin digərlərindən daha dolu və rəngarəng göründüyünü söyləyiblər.

Polşa Azərbaycanlıları Şurası Mədəniyyət Mərkəzinin rəhbəri Fərid Abdullayev gitara ilə “Sarı gəlin” və bir neçə milli musiqilərimizi ifa edib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/azerbaycanlilar-varsavada-multikultural-tedbirde-istirak-edib-4706

İsveçrədəki icmamız “Lauz’One” multikultural festivalında iştirak edib

, 2023

İsveçrədəki icmamız “Lauz’One” multikultural festivalında iştirak edib

İsveçrə Konfederasiyasının Lozanna şəhərində keçirilmiş ənənəvi “Lauz’One” multikultural festivalında Azərbaycan təmsil olunub.

Festivaldakı Azərbaycan stendi Cenevrədə fəaliyyət göstərən, Azərbaycanın zəngin mədəni irsinin təbliği ilə məşğul olan “L’Heritage” Azərbaycan Mədəniyyət Assosiasiyasının təşəbbüsü ilə yaradılıb. Maraqlı kulinariya təcrübələrinin sərgiləndiyi festivalda Serbiya, Kolumbiya, Monqolustan, Eritreya və digər ölkələrin özəl təamları ilə bir cərgədə Azərbaycanın milli yeməkləri və incə zövqlə hazırlanmış desertləri “PHS Group”un təqdimatında nümayiş olunub.

2011-ci ildən “L’Heritage” Azərbaycan Mədəniyyət Assosiasiyasında Azərbaycan rəqslərinin tədrisi ilə məşğul olan Azərbaycan diasporunun fəal üzvü Mariya Xan-Xoyskaya Martignolinin təqdim etdiyi “Sarı gəlin” və “Yüz biri” kompozisiyaları çoxsaylı tamaşaçı alqışları ilə qarşılanıb.

Festivalın iştirakçıları, fəxri qonaqları, diplomatik heyət və yerli sakinlər azərbaycanlıların performanslarını yüksək dəyərləndirib, mətbəx sənətinin bir mədəniyyət haqqında dolğun təəssürat yaratdığını xüsusi vurğulayıblar.

Qeyd edək ki, Lozanna festivalının əlvan rənglərinə Azərbaycanın bənzərsiz və təkrarolunmaz çalarlarını qatan “L’Heritage” Mədəniyyət Assosiasiyasının layihələrinin əhatə dairəsi getdikcə genişlənməkdədir. Azərbaycanın milli, klassik və müasir musiqisini, istedadlı imzalarını, sənətkarlarını dünyaya tanıtmaq məqsədi ilə keçirilən konsertlərin, sərgilərin təşkilində əsas hədəf – son illər diqqət mərkəzində olan Cənubi Qafqazın qüdrətli ölkəsi haqqında dürüst informasiya yaymaq, sülhsevər, tolerant, milli və dünyəvi dəyərlərə söykənən bir xalqla bağlı dolğun fikir formalaşdırmaqdır.

Assosiasiyanın təmsilçiləri eyni məqsədə köklənmiş tədbirlərin dünya və Azərbaycan arasında etibarlı körpü yaradacağına, xaricdə yaşayan azərbaycanlılar arasında birliyin möhkəmlənməsinə xidmət edəcəyinə əmindirlər.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/isvecredeki-icmamiz-lauz-039-one-multikultural-festivalinda-istirak-edib-3468

multikultural – France Gazetesi

Azərbaycanlılar Varşavada multikultural tədbirdə iştirak edib

İsveçrədəki icmamız “Lauz’One” multikultural festivalında iştirak edib